Спортқа деген сүйіспеншілікпен: Parimatch Foundation Қостанайда кикбоксинг секциясын ашады

Parimatch Foundation халықаралық қайырымдылық қоры Қостанай қаласында кикбоксинг бойынша жаңа балалар тобын құруды қолдады. Ресми ашылу 18 қарашада Қостанай облысының кикбоксинг қоры мен федерациясы өкілдерінің қатысуымен өтті, деп хабарлайды Zakon.kz.

Parimatch Foundation аймақтарда балалар спортын дамытуды жалғастыруда. Қордың есебінде Шымкент қаласындағы №3 балалар үйінде баскетбол және футбол бойынша жұмысын сәтті жасап жатқан секциялар бар, олардың қамқорлығындағылар республикалық жарыстарға бірнеше рет қатысып, жүлделі орындарға ие болды. Сондай-ақ, Алматы қаласында балалардың жан-жақты дамуы үшін әлеуметтік қиын жағдайдағы отбасылардың мүмкіндіктерін кеңейтуге арналған футбол топтары ашылды. Бұл жолы қор Қостанай қаласында кикбоксинг бағдарламасын іске қосады. Ашылу салтанатына Қостанай облысының кикбоксинг қоры мен федерациясының ресми өкілдері қатысты. Сонымен қатар, балаларды қолдауға 2022 жылғы жастар арасында 57 келіге дейінгі салмақ дәрежесіндегі әлем чемпионы Нұралы Серіков келді. Серіков жаңа топтың жаттығулары өтетін Қостанай "Сұлтан" спорт клубының тәрбиеленушісі болып табылады.