Астанада тұрғын үйлердің бірінде балкон өртеніп, 16 адам эвакуацияланды

Бүгін таңертең астанадағы "Barys City" тұрғын үй кешенінде өрт болды, деп хабарлайды KAZ.NUR.KZ тілшісі Астана бойынша ТЖ баспасөз қызметіне сілтеме жасап.

ТЖД мәліметіне сүйенсек, бүгін, 4 желтоқсан күні сағат 08:28-де елордалық өрт сөндіру қызметіне Тұран даңғылындағы "Barys City" тұрғын үй кешенінде өрт басталғаны туралы ақпарат түскен. "Өрт сөндірушілер келіп жеткен уақытта екінші қабатта балкон өртеніп, түтін басқаны анықталды", - делінген хабарламада. Төтенше жағдайға байланысты 16 адам эвакуацияланды. Оның ішінде алты бала бар. Сағат 09:10-да өр сөндірушілердің көмегімен өрт оқшауланды. Төтенше жағдайдан қаза тапқандар жоқ. Өрт сөндіруге жеке құрамның 12 адамы, 3 техника бірлігі жұмылдырылды.